Սերմնաբջիջների ԴՆԹ-ի ֆրագմենտացիան  տղամարդկանց անպտղության հնարավոր պատճառներից մեկն է, նույնիսկ այն դեպքում, երբ սպերմոգրամայի ցուցանիշները նորմայի սահմաններում են։ Թեստը թույլ է տալիս որոշել տղամարդկանց սեռական բջիջներում ԴՆԹ-ի վնասվածքների տոկոսը։ Այսպիսի վնասումները կարող են խոչընդոտել բեղմնավորումը, հանգեցնել սաղմի զարգացման խանգարումներին կամ ինքնաբուխ վիժումներին։

Եթե դուք և ձեր զուգընկերը դժվարություններ ունեք բեղմնավորման հարցում, իսկ սպերմայի ստանդարտ պարամետրերը (կոնցենտրացիա, շարժունակություն, մորֆոլոգիա) նորմալ են, արժե քննարկել բժշկի հետ սերմնաբջիջների ԴՆԹ-ի ֆրագմենտացիայի թեստ հանձնելու հնարավորությունը։ Բարձր ֆրագմենտացիայի մակարդակը կարող է լինել անպտղության թաքնված պատճառ։

Երբ է ցուցված թեստը՝

• Անպտղություն անհասկանալի պատճառներ
• Օլիգոաստենոտերատոզոոսպերմիա, տերատոզոոսպերմիա
• Կրկնվող վիժումներ
• ԱՄԲ կամ ԻՔՍԻ փորձերի ձախողում
• Տղամարդ՝ 35 տարեկանից բարձր
• Սեռական համակարգի քրոնիկ բորբոքային հիվանդություններ
• Վարիկոցելե
• ԱՄԲ ծրագրերում սաղմերի ցածր որակ
• Օօցիտների բեղմնավորման վատ ցուցանիշներ
• Վերջին 3 ամսում կրած բարձր ջերմություն
• Սերմի կրոկոնսերվացման նախապատրաստում

Թեստին նախապատրաստում՝

• Սեռական կյանքից զերծ մնալ (ներառյալ մաստուրբացիան)՝ 3–5 օր
• Թեստից 7 օր առաջ խուսափել ալկոհոլից
• Թեստից 7 օր առաջ խուսափել գերտաքացումից (գոլորշի, սաունա, տաք լոգանքներ)

Ինչքան ցածր է սերմնաբջիջների ԴՆԹ-ի ֆրագմենտացիայի մակարդակը, այնքան բարձր են հաջող բեղմնավորման և առողջ երեխայի ծնվելու հավանականությունները։

Խորհրդակցեք մասնագետի հետ՝ անհատական մոտեցում ստանալու համար։