Ի՞նչ է ձվաբջիջների դոնորությունը

Դոնորական ձվաբջիջների կրիոբանկը կլինիկայի մասնագիտացված բաժին է, որտեղ պահվում են մանրամասն հետազոտված և առողջ կանանցից ստացված ձվաբջիջները։ Պահպանումն իրականացվում է վիտրիֆիկացիայի՝ արագ սառեցման մեթոդով, որը երաշխավորում է բիոլոգիական նյութի բարձր պահպանությունն ու կենսունակությունը։

Ո՞վ կարող է դոնոր դառնալ

Ձվաբջիջների դոնոր դառնալու համար կինը պետք է բավարարի մի շարք բժշկական և հոգեբանական չափորոշիչներին․

• Տարիքը՝ 20-ից 32 տարեկան
• Առողջություն՝ ընդհանուր և վերարտադրողական
• Ժառանգական կամ գենետիկ հիվանդությունների բացակայություն
• Հոգեբանական կայունություն և բարոյական պատրաստակամություն օգնելու

Ձվաբջիջները ձևավորվում են կնոջ մոտ դեռևս սաղմնային շրջանում։ Տարիքի հետ դրանց որակը նվազում է, ուստի կարևոր է, որ դոնորները լինեն երիտասարդ՝ բարձրացնելու հաջող բեղմնավորման և առողջ երեխա ունենալու հավանականությունը։

Ու՞մ կարող է անհրաժեշտ լինել դոնորական ձվաբջիջ
Դոնորական ձվաբջիջները օգտագործվում են այն դեպքերում, երբ՝

• Կնոջ պաշարն անբավարար է
• Ձվարանների վաղաժամ սպառում կա
• Սեփական ձվաբջիջների որակը ցածր է
• Գենետիկ կամ քրոմոսոմային խանգարումներ կան
• Նախորդ ԱՄԲ ծրագրերը արդյունք չեն տվել

Նախընտրելի է նաև 35 տարեկանից բարձր կանանց մոտ, եթե եղել են անհաջող փորձեր կամ ժառանգական հիվանդությունների փոխանցման վտանգ։

Դոնորության ծրագիրը ներառում է՝

• Դոնորի և բուժառուի ցիկլերի համաժամեցում
• Դոնորի մոտ ձվազատման խթանում
• Ձվարանների պունկցիա և ձվաբջիջների հավաքում
• Ձվաբջիջների բեղմնավորում (ամուսնու կամ դոնորի սերմնաբջիջով)
• Բուժառուի էնդոմետրիումի պատրաստում հորմոնալ թերապիայով
• Էմբրիոնների տեղադրում  արգանդում

Ժամանակակից տեխնոլոգիաներ
Վիտրիֆիկացիայի մեթոդի շնորհիվ հնարավոր է՝

• Ստեղծել պատրաստի ձվաբջիջների բանկ
• Նվազեցնել դոնորի ընտրության ժամանակը
• Պարտադիր կարանտին՝ վարակների (ՄԻԱՎ, սիֆիլիս, հեպատիտներ) ստուգման նպատակով
• Ապահովել ԱՄԲ ցիկլի ավելի ճկուն և պլանավորելի ընթացք

Արդյունավետություն և վիճակագրություն

• Հղիանալու հաջողության հավանականությունը՝ 60–65%
• Աշխարհում ավելի քան 50,000 երեխա է ծնվել այս մեթոդով
• ԱՄԲ ծրագրերի մոտ 10%-ում օգտագործվում են դոնորական ձվաբջիջներ

Պատճառները, որոնց դեպքում ԱՄԲ դոնորական ձվաբջիջներով չի իրականացվում՝

• Ծանր հոգեկան կամ սոմատիկ հիվանդություններ
• Արգանդի արատներ, որոնք արգելում են սաղմի տեղադրումը
• Չարորակ ուռուցքներ (նաև՝ նախկինում)
• Փոքր կոնքի օրգանների սուր բորբոքային պրոցեսներ

Նշում՝ տղամարդկանց անպտղությունը հակացուցում չէ։ Այդ դեպքերում օգտագործվում են ԻՔՍԻ և սպերմաբջիջների ասպիրացիայի մեթոդները (MESA, PESA, TESA, Micro-TESE)։

Դոնորների փոխհատուցում
Ձվաբջիջների դոնորությունը ներառում է ժամանակ և բժշկական միջամտություններ, ուստի յուրաքանչյուր դոնացիան ուղեկցվում է ֆինանսական հատուցմամբ՝ համաձայն գործող էթիկական և իրավական նորմերի։

«Վիտրոմեդ» կլինիկա (Երևան) Մենք ունենք սեփական դոնորների բազա, որոնք անցել են համապարփակ հետազոտություններ՝ ներառյալ գենետիկ և հոգեբանական թեստավորում։ Բոլոր պրոցեդուրաները իրականացվում են միջազգային ստանդարտներին համապատասխան։